Automax.Az - Avtomobil elanları

Sürücü məsuliyyətdən azad olunur

Bu gün Milli Məclis yol hərəkəti qaydalarının pozulmasına görə inzibati məsuliyyətlə bağlı qanunvericiliyə maraqlı dəyişikliklər edir. Dəyişikliklərin detallarını şərh edən hüquqşünas bildirib ki, sürücü barəsində tərtib edilən elektron protokol dövriyyədən çıxarılaraq elektron qərarla əvəzələnir, yəni gələcəkdə sürücü barəsində tərtib edilən elektron sənəd elə birbaşa "elektron qərar" adlanacaq.

Həmin elektron qərar yalnız real vaxt rejimində (qayda pozulan kimi avtomatik) tərtib edilməlidir. Yəni indi bəzi hallarda yol verildiyi kimi, kameranın qeydə aldığı məlumatı kompüterdə araşdıraraq bir neçə saat və ya gün sonra elektron protokol (bundan sonra qərar) tərtib etmək qadağan olunur. Real vaxt rejimində (dərhal, on-line) tərtib edilməyən qərar etibarsiz və qanunsuz olacaq, sürücü buna görə məsuliyyətdən azad olunacaq.

Elektron qərar (əlavələri ilə) 1 gün ərzində sürücünün elektron kabinetinə yerləşdirilməzsə, sürücü bu qayda pozuntusuna görə məsuliyyətdən azad olunacaq.

Sürücü onun barəsində tərtib olunan elektron qərardan 20 gün ərzində şikayət verə bilər.




Tarix: 2018-07-02 18:46:56


Bütün hüquqlar AUTOMAX.AZ saytına məxsusdur. Copyright © 2018

Giriş

Şifrəni bərpa etmək üçün [email protected] maili ilə əlaqə saxlayın.

Bağla

ELANI PREMİUM ET



Bağla