Automax.Az - Avtomobil elanları

Avtomobil sığortasında yeni təklif

“Qala Sığorta” şirkəti avtomobillərin icbari sığortası üzrə təkliflə çıxış edib. Şirkətin İdarə Heyətinin sədr müavini Taleh Yunsurov bildirib ki, təklifə əsasən, icbari sığorta müqaviləsi yalnız avtomobilin sahibinin, yəni avtomobilin texniki pasportunda adı keçən şəxsin adına yazılmalıdır. Əgər bu təklif qəbul edilərsə, avtomobili etibarnamə ilə idarə edən sürücülər icbari sığortanı əldə etmək üçün avtomobilin sahibini tapmalı olacaqlar. Reallıqda isə, bu o qədər də asan məsələ deyil.

 

Təklifə əsasən, avtomobili etibarnamə ilə idarə edən şəxslər qəza törətsələr də sığorta şirkəti zərəri qarşılayacaqdır. Bu zaman Bonus-Malus balları avtomobilin sahibinin adına yazılacaq.

 

Hazırda Azərbaycanda təkrar bazarda avtomobillərin böyük hissəsi etibarnamə ilə alınıb-satılır.

 

Ekspertlər bildirirlər ki, bu təklif hər kəsin avtomobili öz adına rəsmilşədirməyə məcbur etməyə xidmət edə bilər. Eyni zamanda, bu təklif reallaşsa adına avtomobili etibarnamə ilə satan şəxslər icbari sığortanı daha baha əldə etməli olacaqlar. Təklif qəbul edilərsə, etibarnamə ilə avtomobil satmağa və almağa da maraq azala bilər. 

 




Tarix: 2018-11-28 20:15:07


Bütün hüquqlar AUTOMAX.AZ saytına məxsusdur. Copyright © 2018

Giriş

Şifrəni bərpa etmək üçün [email protected] maili ilə əlaqə saxlayın.

Bağla

ELANI PREMİUM ET



Bağla